Verðkönnun Dohop í janúar 2013 sýnir að flugfargjöld hafa hækkað um 8,2% frá því í desember. Könnun var framkvæmd þann 22. janúar en síðasta könnun var gerð 21. desember. Verð til Kaupmannahafnar og Osló lækkar milli mánaða en aðrir áfangastaðir hækka í verði og veldur það fyrrgreindri meðalhækkun.
Tímabil
Á tímabilinu sem könnunin nær yfir eru fjórir áfangastaðir í beinu flugi frá Íslandi, Kaupmannahöfn, London, Manchester og Osló, þar sem fleiri en eitt flugfélag kemur við sögu. Þau fargjöld má sjá á meðfylgjandi mynd en Manchester bætist í samanburðinn nú þegar easyJet hefur hafið flug þangað.
Lægsta verðið hjá WOW air, easyJet og Norwegian
Tvö félög fljúga til Kaupmannahafnar á tímabilinu, Icelandair og WOW air, en hið síðarnefnda býður nokkru lægra verð. Til London er hægt að fara með easyJet auk Icelandair og WOW air, en þar er WOW air aftur lægst og munar þar enn meiru. Aðeins Icelandair og easyJet fljúga til Manchester og þar hefur easyJet vinninginn. Þrjú félög fljúga til Osló, Icelandair, Norwegian og SAS en þar býður Norwegian talsvert lægra verð en keppinautar.
Aðferð
Dohop beitir sambærilegri aðferð og Hagstofa Íslands við samantekt gagna á fargjöldum. Þrjár dagsetningar eru skoðaðar hverju sinni: Sú fyrsta er eftir tvær vikur (5. – 12. febrúar), önnur eftir fjórar vikur (19. – 26. febrúar) og þriðja eftir átta vikur (19. – 26. mars). Í hverri viku eru allir 7 dagar skoðaðir með vikudvöl í huga og meðaltal hverrar viku er endanlegt verð fyrir það tímabil. Öll gögn sem liggja að baki mælingunum má finna á vef Dohop: verdkonnun_2013_01_22
-
Bjorn
-
Eyþór
-
siggi